الرئيس المنتظر

بصراحة الدكتور سلام فياض عم بجهز حالو للرئاسة ومش غلط بطلعلو
احنا برضو بهمنا انسان فهمان يداير امورنا بالنهاية بجنا نعيش عيشة هنية ونستقر

نتمنى أن يكون مارثون بالمثل في غزة بعد المصالحة الوطنية الفلسطينية .
يشترك فيه جميع أعضاء القيادة الفلسطينية
ودمتم ذخراً للوطن المفدى (فلسطين)

والله عفارم عليه

الله يقويك يا رب.....روح يا شيخ انشاالله بتاخد الميدالية الذهبية كمان :):)

والله يا دكتور حرام عليك ،ذبحت الحرس وراك بيركضوا

wa7sh ya rayes

اووووه شو هالفياعة يا كبير يا رئيسنا يا ابن طولكرم، والله انك شباب من الاخر، بنتمنى نشوفك بتركض معنا في مدينتنا مدينة طولكرم التحدي و الصمود، الله يحفظنا اياك ويرعاك يا كبيرنا..

بارك الله بالسيد سلام فياض الذي يدعم المسيرة الرياضية ومعا وسويا من اجل دولة فلسطينية حرة عربية

عمْار يا نابلس....شكراً لسلام فيّاض ودام لنابلس والشعب الفلسطيني..
بوجه رساله لكل الناس انو اذا سلام فيّاض نزل على انتخابات الرئاسة او التشريعية ينتخبوه احسن...الانو اذا مانزل ما بدنا نرجع زيّ اول....الافضل انو الناس تنتخبوا....شكراً
ابوجيفارا من دولة نابلس --جبل النار...

أنا من يومي بقول هذا الرجال غير شكل
بجد ولو كثر الطاعنين فيه
بس نفسي يصير رئيس دولة فلسطين
لأنه بالفعل رائع

دعايه انتخابيه

اكيد في كرسي قدامه حتى انه يركض بهالهمة ......... شوفوا يا حرام المرافق الي وراه لاحقه بالشنطة.......

هاي هيي الروح الانسانية المسؤولة اللي ما ابتتكبر ع الناس والله يخليلنا سلام فياض ويخليلنا ابو مازن تاج ع رووس التحاويين الشرفاء والفسطينيين الشرفاء ونرجو ان يتراجع عن قراره ويرشح نفسه ونقول ابو مازن ولا بديل وانه حلم الفلسطينيين واملهم القادم يسلمو معا وبتمنى النشر

انسان عملي, اداري, مالي ,ناجح وشبعان

عقلو منفتح

كبير يا ابو فياض كبير
يا هييك المسؤولين يا بلا
adam1965@hotmail.com

عيشوا يا اهل الضفة واالله ما بتعرفوا غزة وين

الله يحفظك ويديمك رئيس وزراء بمنتها البساطه والعفويه عم يركض مع ابناء شعبه

يعني لا يوجد شيء غريب ...رجل لابس شورت وبركض في الشارع...شو الغريب في الموضوع !!!

طيب السيد فياض حاب يعمل شوية رياضة مع سياسة و المرافقين الي معو ذنبهم ايه؟

هادا والله ما هو قليل رئيس الوزراء
وشي حلو انو يشارك في هيك شي ويعطي دفعة لكل الشعب
بس كمان ما في بدلي عن ابو مازن لو شو ما عمل

يارب يوصلو بسلامة

بصراحة الدكتور سلام فياض حفظه الله رجل يستحق التقدير والاحترام كامثال السيد الرئيس ابو مازن فكل منهما رجل واقعي يحاكي الواقع الذي يمر به الشعب الفلسطيني فلا مجال للمزايدات الرنانة في حديث كل منهما فقط الواقع ولا شيء غيره ولذلك فانني اطلقت اسم الدكتور سلام فياض على ابني وهو اسم مركب سلام فياض

الحق يقال.دولة رئيس الوزاء رجل اكتسب ثقة الشعب لأنه قريب منهم...قي بلعين شارك بافطارجماعي من اجل دعم صمودهم..في عابود شارك الأهالي بقطف الزيتون.وبنابلس شارك بأكبر طبق كنافة والان يشارك بالماراثون..والله نحن بحاجة لهولاء الشخصيات.نرجو أن يوفر فرص العمل لنا بفلسطين للعودة اليها والمساعدة في بناء الوطن

شد الهمة
عم بينشط حالو .. الكرسي قدامه بعد الريس عباس ؟؟؟

والحرس وراه ماكل هوا .... دبحت رجالك يابا ؟؟ خف شوي خخخخخععع

صدقا تحيه لمسؤول لا يفوت اي فرصه له للاحتكاك بجماهير شعبه ليس في سبيل المزايده وانما من اجل اداء افضل .... من يقول انها دعايه انتخابيه فليكن ذلك .... افضل من الذين امتلات كروشهم وجيوبهم واصبحوا يمتلكون ارقاما خياليه لحساباتهم البنكيه ...نعرف تار يخهم الاسود ... وغزه سوف تلفظهم كما يلفظ بحرها كل ما

ولله ماعرفتوا بهشرط الله يعين حرسو اكيد ارو

اي علي الطلا ق اني بحبو لانو عندو روح الشباب يا هيك الناس يا بلاش علي الطلاق هو الرئيس .

العقل السليم فى الجسم السليم

الصراحة السيد سلام فياض ، رجل عملي ، ويفعل أكثر مما يقول ، ونتمنى أن يبذل جهداً مضاعفاً في مجال التعليم ، لأنه بالتعليم والأمن نبني مسقبلاً مشرفاً .

يا سلام علي سلام قسما بالله العظيم اني بحبو لانوزلمة صح بصح ويا هيك الناس يا بلاش بعدين احنا مسكين العصي من النص ليش بدنا حدود ودولة بس مش اكثر لكن سلام هو الصح اول نبني وان اسس وبعدين بنقاتل بعين قوية مش دولة من غير تطور او دولة علي تخلف

شي حلو كتير شكلو بحب الرياضة كتير
وعلى فكرة هو اكتر شخص الو ظهور بالشارع الفلسطيني وشخص مهني بس ما بتصور خرج يكون رئيس ...........

الله يقويك شد الهمه

بشوف الكل بيمدح في الاخ سلامه فياض انو رجل متواضع وعندو روح انسانيه كلام كثييييير والخ؟؟؟ بس شباب عساكر من شرعيه غزة الي لهليت بناشدو الله انا الاخ سلامه فياض ينضر الهم ولا حياه لمن تنادي يا عااااااااااااااااااااااالم الي فياض موقف صرف مستحقاهم وكلهم في احتياج الشيكل من الوضع الصعب في غزة

اجري يا خالي يلا خلي المسؤولين يجرو شوي ويتعبواا مش بس احنااااااااا
ههههههه الله يسعدواااااااااااااا

نحو اقامة الدوله الفلسطينيه و عاصمتها القدس الشريف ... نجري و نهرول
شاء من شاء و ابى من ابى
و انها لثورة حتى النصر

بيتمرن لسباق الرئاسة .

شوفو شوفو -- يركض خلف السراب -- يا حرام - يا حرام

وفقه الله فيما يحبه ويرضاه هذا رجل مثابر ومثقف فله منا كل التقدير والاحترام

ولكم شوفو الحرس الي وراه ؟ ههههه

بصراحة هو عاوز ايه يتفضل و يقول

هذا شيء ممتاز والي الامام يا قيادتنا الباسلة والشرعية
قادتنا ينزلون للشارع ويخالطون الناس
بالامس أبو مازن في شوارع رام الله وبالامس الدكتور فياض يقطف الزيتون وها هو اليوم يشارك ابناء شعبه 0

الله يعطيك العافية شو روح هالشباب يا راجل

دعاية انتخابية بس بالون ونوع مختلف شوي ..... بدل الصور بالشارع هو بينزل شخصي شو هالتواضع هاد....الكرسي الذهبي بانتظارك عمو سلام فياض.........؟؟
عنجد مش رايحة اله ع الشعب المسكين.......
وطن........

صراحه الدكتور سلام فياض يستحق الرئسه واكثر
والله وابو مازن عمل الي عليه
والي الامام يا دكتور سلام
تحياتي لـ وكاله معاً اجمل وكاله اخباريه في فلسطين
pody_moasy@hotmail.com

لازم نعمل سباق بين سلام فياض وهنية وبلاش انتخابات؟؟ اكيد سلام فياض راح يسبق لانة بالشرط؟؟ وهنية راح يكون بالدشداشة؟؟ها ها ها

كل التحية والاحترام لرئيس وزراءنا الي دايما بيشارك هالشعب في احزانا وافراحا ودايما متواجد في كل مناسبة على ارض الوطن مرة ضد الجدار ومرة بجد زيتون ومرة مع الايتام ومرة بيلعب كرة قدم ومرة ومرة ومرة 00000فلك منا كل الاحترام دكتور فياض على هذا التواضع وتفهمك لوضع ابناء شعبك

اي والله احلي مارثون شفتو بحياتي لمن كانوا اهل بيت لاهيا شاردين ليحتموا بمخيم جباليا ايام الحرب علي غزة بس والله ما لقينا حدا يصورهم و ما شفت ولا مسئول بيجري معاهم (معقول كاينين المسائيل عاملين مرثون لحالهم واحنا مش داريين)

الله يحي رجال العاصفه الله يقويك يا دكتور سلام فياض ..... وعمار يا نابلس

أنا بعتقد انو فياض عم بيعمل دعاية انتخابية لأنه يشارك في كل شيء في هذه الفترة وأظن إذا عزمتو على عيد ميلادي رح يجي!!! يعني يا جماعة الاستاذ كلو أمل انو تنتخبوا في النتخابات الجاية... بس السؤال هون مين رح يكون الرئيس الجديد إذا من الآن السيد أبو مازن رافض ان يرشح نفسه !! هل هو سلام فياض؟ الله واعلم

اللة يحميك ويعطيك الصحة ويحفظك لان قلبك على الشعب والبلد عشت يابو مازن وعشت ياسلام فياض وعاش الشرفاء وعاشت فلسطين التي انجبتكم

الله يوفقكم: الدكتور سلام ركض بس وصل ف الاخر اما حكومته بعتقد و على مستوى الادارة و الاقتصاد بتركض محلها و دايما بتحرق رووس و بتركب رووس جديدة.
و بعدان لو السيد الرئيس فاضي (ابو مازن) كان شارك بس مشغول بالقضايا الوطنية.
يا رب تتسابقوا للوحدة و لتعمير و بناء فلسطين.

وشو دور الرجوب لما فياض استولى على الرياضة كمانوالله مايخلي لوزير حاجة العب

شد حيلك يا كبير عدوا خلص الوقت
ههههههههههه
هدي المشاركة بتقوي الترابط بين الشعب وبتخلي يلف حولين القيادة تعتوا

اجري .. اجري كلنا وراك ..

والله اشي حلو من رئيس عربي يجري أمام المرء كله وهذا تشجيع على ممارسة النشاط الرياضي بس ذبح الحرس

انشالله المرة الجاي بتاخد المدالية البلاستيكية والمارثون بالقدس.

من التخلف ان نعتبر هذا دعايه انتخابيه واذا كان الاخ فياض يعتبر انه بهذا يستطيع تجميع الاصوات للانتخابات فهو مخطأ واقول له ان قضيتنا تبقى سياسيه وانتخابات الرئاسه تحتاج الى تصريحات سياسيه شجاعه من خلالها تسطيع الوصول الى قلب كل مواطن فلسطيني اما ما تفعله يصلح ليكون لانتخابات وزارة الشؤون الاجتماعيه

أرى في بعض التعليقات اننا اصبحنا ملكيين أكثر من الملك ، مع ان مصلحتنا في زوال الملك

كل الاحترام للاخ ابو خالد يجب ان نتعلم ان نقدر الاشخاص على افعالهم لا على انتماءاتهم السياسة،،،،،،،،،،،الى الامام على طريق بناء المؤسسات لاقامة دولة ذات اطياف من جميع فئات الشعب ذوي الكفاءات العلمية والمهنية امثالكم

As a Palestinian living in U.S.A , I say proudly good luck Mr. and Doctor Fayad , you looks very active and athletic, I wish to be with you there running and having fun with you . Thank you Best wishes.

كنا نتمنى من فياض بيك انصاف وتكريم كافة المشاركين من ذوي الاحتياجات الخاصه بس ما كنا نعرف انو في فيتامين واو ( واسطه) لناس وناس وشكرا على كاسة المي

اي هي ما في بعد الدمقراطيه هيك بعرلمنا فياض السبرت الي احنا الشعب الفلسطيني فاقدينه وما بنعرفه كل الاحترام لفياض والي الامام وتحياتي لوكاله معاااا والي الامام

ايش هذا يا كبير والله الكابتن ماجد عجز عن هذي الحركات ههههههههههههههههههههههههههههههه بكفي بطني اوجعني

أجمل تحية للاخ رئيس الوزراء د. سلام فياض,,حفظه الله
ولكل من ساهم في انجاز ونجاح هذا السباق الذي يعيد لمدينة نابلس حيويتها ونشاطها ولدعم الرياضة والشباب والاطفال الفلسطينيين,ماراثون نابلس هوا الأول الذي اقيم تحت شعار كرمالك يانابلس ضمن احتفالات القدس عاصمة الثقافة العربية,الثاني بالقدس ان شاء الله

من فشل الى فشل يا سلام فياض ...
لماذا الجري الى كرسي الرئاسة ... فهو ليس لك ...

فل تهرولوا الى المصالحة ,, أفضل من الهرولة بشرط القصير ... وتتعب المرافقين ..

اشي حلو نشوف احد المسؤولين بين الناس والى الامام يا نابلس

انا والله بموت في اهل طولكرم رئيسنا القادم اصل ديزل

يا عيني يا عيني ............................ هاي أول مرة بشوف مسؤول لابس شورت
بس ما بتوقع إنو بيعمل دعاية انتخابية
شو رأيكم

كل الاحترام لدولة الرئيس الذي يشارك شعبه في جميع الفعاليات ونعم القائد يا دكتور سلام

والله والله والله انك دخلت تاريخ فلسطين من اوسع الابواب...لو تقدمت للرئاسة لسوف تأخذ 100% لانك رجل المواقف ...كثير العمل ..قليل الكلام ...من يوم استلامك الحكومة بعد الانقسام المخزي من تجار دماء الشعب (فتح وحماس) بدأنا نرى بداية الدولة الفلسطينية ....بناء المؤسسات والاقتصاد...نحن فعلا اصبح لنا دولة

فرصة مناسبة لتجربة معاناة المواطن على الحواجز وخلال الانتفاضة

هذه الديمقراطيه الي بدهم اياها ((((( عليكي العوض يا فلسطين )))
اناشد الاهل ان يتقوا الله في بناتهم استحلفكم بالله فهؤلاء يريدون من ابناء وبنات فلسطين ان يكونوا قمه في المياعه والانحراف ويلهوهم باشياء ليست بمهمه وينسون فلسطين المحتله-
حسبنا الله ونعم الوكيل 0حسبنا الله ونعم الوكيل 000000000000

الله يعطي الف عافيه ويعطيه الصحه كمان وشاكربن لجهوده الجباره بتجاه الشعب
ودائما مشارك اهله وناسه في جميع مناسباتهم ودائما متواجد ومششششششششششششكور يا دولة رئيس الوزراء على جهدك وعطائك

والله انك واثق الخطى بكل مشاويرك ، بس بدنا منك قفزة اكبر في اتجاه المصالحة
وبصراحة انت فعلا ابن هالبلد وانت كبير ،بتقدر تجمع الكل صغير وكبير ، اجمع جنحان الوطن وخلينا سوا للمجد نطير .
ممكن اكون ما بحبك ...... لكن صدقني .... كثيييير كثير بحترمك

الى الرئاسة ان شاء اللة، رجل متعلم وناجح والأهم أنه شبعان... كل احترام

الله معه يلاااااااا طيييييييييييييييير واسبقهم كلهم هههههههه

والله الرياضه حلوه

اللة يقويك يا كبير وانت وابو مازن قائد الامة 00 انتم اشرف شرفاء الامة000 وادامكم اللة للوطن والشعب

والله انه سلام فياض زلمة بلعبها صح ما خلا شي الا شارك الشعب فيه يعني الزيتون قطفه والكنافة اكلها وفتح حنفيات المي في اكثر من مكان والشعب الفلسطيني بحب اللي بساعدة حتى لو كانت المساعدة بسيطة بس يا جماعة الخير هل سيادة الرئيس ابو مازن وحركة فتح راح يسمحوا له يوصل للرئاسة ويصير مسؤول عن الشعب؟؟

ههههههههههه حلو والله كثير يكون الرئيس بشارك الشعب بأحزانو وأفراحو

بس انسا الشرط عليك حلوووووووووووووووووووووووووو

حبيبي يا كابتن بدي اتعاقد معاك علشان تزود جماهرية غزة عالميا من ضوك كريستيانو وكاكا ومسي وروني وابراهيموفتش راح يعتزلوا

ممتاز ممتاز شو هالجسم الرياشي ياخ سلام ... منشان يعرفوا شو يعني رئاسة وزراء ... بس لو بدخل مسابقة مع اسماعيل هنية مابطلع معك راس ابدا في فرق في السرعات والاوزان ........ خطوة ممتازة والى الامام في مسيرة البناء والاعمار

والله الواحد لو اشعل ايديه شمع لهلشعب ما عاجبه ,,,,,,,,,,,,,,,يعطيك الف عافيه يا سلام فياض....وتحياتي ليك

اول مرة في حياتي بشوف رئيس وزراء عربي بركض وحامل شنتطو ......... هاد ان دل فأنه يدل على ان رئيس الوزراء الفلسطيني رجل عملي جدااااااااااااااااااااااااااااا

والله له مواقف مع الشعب مثل قرية بلعين وقطف الزيتون والرزاتب لاهل غزه واخيرا الجري مع الشعب

شو لو كان عملو سباق مع الزهار

هههههههههههههههه ولكم ما بتعرفو شو ورا المارتون انتو هههههههههههه هادا سلام فياض غيييييير شكل طيب مش حرام الحرس وراه ههههههههههه بجد شي كتييير حلووووو برافو سوسو يارب الميدالية الدهبية الك يارب ههههههههه

شاااااااااااااااااااايف حالو رياضي انشالله بنركظ وراه

طيب في حال تقدم اول المتسابقين هوه وحرسه ، مين اللي بيأخذ الميدالية هوه ولا حرسه !!!

فعلا انه رجل عملي وانجازته تشهدله الله يقويه فهو يمتلك العلم والخبرة ووضع في المكان المناسب الله يخلي ابو مازن .

يعطيك الف عافية ابو فياض ....
الرئاسة مش الك ياكبيررر ....
الرئيس المقبل \ الزعيم محمد دحلان " ابو فادي "
زعيم الحركة والمرحلة كلنا معك وابندعمك للرئاسة

في مثل بحكي ما بتعرف خيري غير لما تجرب غيري

ياريت الكل يصحا ويفكر مزبوط يفكر لمصلحة شعب كامل

بعد التحية للدكتور مش شي غريب يعني ابو عمار كان بيوم النظافة يلم نفايات الدكتور جدع الله يقويه كل القيادات الفلسطينيه الفتحاوية بنفس النفس لو انو راح الختيار بس خلف والي بخلف ما بموت الله يرحمك يا ريس تع شوف بنركض على القدس تحيه للرئيس ابو مازن وتحيه للفتحاوية وتحيه لل ppu ولمحمد دحلان ولكل فتحاوي

عاش السيد الرئيس محمود عباس ورئيس حكومته سلام فباض ونقول للاخ الريس ابو مازن تراجع عن قرارك وشعب فلسطين امانه في عنقك ادا كان في بديل عن الاخ ابو مازن فهو البديل محمود عباس حفظه الله ورعاه وطول الله في عمره

كل الاحترام والتقدير للدكتور سلام فياض
فعلا انه رجل مؤسسات ورجل دوله
وليس رجل منابر وخطابات اعلامية تافهة

والله انك اكبير ومتواضع وبتفهم بس دير بالك اولاد الحرام اكثار لا يعرقلوك

انا مش حزنان الا على المرافقين اللي معاه....................................

يا سلاااااااااااااااااااااااااااااااااااااااااحف النينجا

علي الطلاق ما عرفتووو

اذا رئيس الوزراء يشارك في الماراثون لازم الوزراء يشاركو في الالومبياد

رايحين يظلوا يجروا هو وامثالو تيقعوا في جهنم

نورت نابلس يا كبير
والله انك أحلى رئيس وزراء بالعالم
والله ما عمرت الضفة الا بوجود أمثالك

الانتخابات عالابواب,(!)

حلوه الصوره .. بس ردا على الاخوه الي بحكووو انو رئيس ومرشح ومن هل الكلام \.. ما في حدا بعد ابوو عمار .... اول شي ... ومرشح فتح ومرشح الشعب كلوو بهل الوقت هوي سيادة الرئيس ابو مازن وكلنااااااا ورا


ابن سلفيت الصمود

يا ريت نشوفك عنا بغزة بتجري وبتلعب وبتقطف معنا زيتون وعلى فكرة أحنا حرس الرئيس خصوصا نهدي لك التحيات والتبريكات من قلب مدينة غزة المجروحة وربنا يطوول عمرك ويوفقك وينور بصيرتك وتحل قضية تفريغات 2005 وما فوق بالقريب العاجل.وفي النهاية لا يسعني الا أن أشكر طاقم وكالة معا الاخبارية على عملها بكل مصداقيه

كل التحية للقائد سلام فياض وان شالله هو رئيس دولة فلسطين القادم لانو فعلا هو الرجل الوحيد الذي يفكر ويخطط ويبني بشكل لائق وبشكل منطقي يضمن قيام دولة فلسطينية دولة امن ودولة مؤسسات لا دولة قائمة على مساعدات الانوروا ....بالتوفيق

ابن دير الغصون رياضي من الآخر,,,منيح هيك يكون اجتماعي شعبي بعيد عن الرسميات

فعلا هذه الصورة معبرة يركض الدكتور نحو الهدف الواضح المحدد الي هو نهاية السباق ويركض شعبه معه شبرا بشبر وذراعا بذراع , لكن في السياسة هل نهاية الطريق واضحة اظن ان الدكتور اكتشف ان لا نهاية للطريق (المفاوضات) فلذلك قرر ان يتوقف في وسط الطريق

اول مرة اشوف رئيس وزراء مشتي من فوق ومصيف من تحت....عربي

اخي الدكتور سلام فياض اهلا وسهلا بك في نابلس عاصمة الا ستشهادين ومنحب انقول للكل انه ما راح يجي حد يبني مؤسسات زي الدكتور سلام فياض فالكل يشهد له بانه رجل مهني وصادق واستطاع ان يضبط الكثير من الامور الاداريه والماليه واستطاع بناء مؤسسات دوله حقيقيه في وقت قصير مع اختلافي معه في امور كثيره

مش لهلدرجه يابو العبد ماتنسا انو في عنا ارجال جاهدو وكلنا شعب واحد ماتنسا انو اهل الضفه هما نفسهم اهل فلسطين مابعرف اذا انتا قسمتها كمان ؟

فعلا العقل السليم في الجسم السليم
والدكتور الحمد له جسمه وعقله سليمات انشاء الله
بس بدو ناس تقدر جهوده وتدعمه
مع كل الاحترام له
ولكن المرشح الوحيد للرئاسه لاخراجنا من الازمات الداخليه والخارجيه والاقليميه هو الحاج ابو مازن المرحله خطيره وبدها ناس محنكين وقادرين على اجتياز الازمات والمصاعب

يا خساره بس لو في كمان عشره رجال زيوا كان ما بصير معنا كل هل الاشياء ممنا على كل خال الله وفقوا وانشالله بس ما يزهق او يتعب

مشكلة الرؤساء العرب قبل انتهاء ولايتهم بنلاقيهم تغيرو مرة وحدة وبيصيرو يتواضعو ويقربو من الشعب بامور كتيرة ويحسسوا الشعب انهم اهم شي وانهم خايفين على مصلحتهم وما بدهم غير يوفرو للمواطن الراحة والامان , وبعدها بيعملو برنامج انتخابي ولا في الخيال, بعدها لما الواحد ينجح ببطل يتكلف يخاطب الشعب وبتكبر

ياريت هالزلمة نشوفه بيتسابق للدفاع عن وطنه ولحمل السلاح في وجه العدو الصهيوني القوة وحدها هي الحل

تحياتي ل د. سلام فياض بس يعني يا سيادة رئيس الوزراء يعني ماضل شي بقضية فلسطين نعملو كلو تمام والله يا دكتور في شي ابدى بكتير من الجري في الماراثون وله افهم انو هاي دعاية(انتخابية بس بطريقة عملية )...

بعرف فياض أنسان عملي بشكل مش طبيعي,بس مش لدرجة الشورت في الشارع, يا عمي الرجل بشتغل على خطوات مدروسة ومرتبة بشكل دقيق تزامنا مع الأنتخابات القادمة,مرة عالزتونة ومرة بوكل بدور الناس,وهالمرة بجري ..!!!! أنا نفسي أفهم هو لوين بجري؟؟ أكيد للرئاسة...قضيتنا تحددت بوثيقة فياض للدولة المدنية الفلسطينية

والله انو لايق علي الشرط
وعلى فكرة انا بحبو للدكتور لانو زلمة فهما ن واجتماعي

ودمتم فخرا لهذا الوطن

احم مرثون نابلس الى كرسي الرئاسة بس يا ريت لو انو بدون حراسة كان اقضل وبناش نحك اكثر بلاش المحرم السياسي في معا ما ينشر كالعادة

والله يا دكتور لو جريت من نابلس للخليل ولو لقطت زتون نابلس مع الجليل ما راح تنجح في الانتخبات لانو في الاخر انت ليس فتح ولا حماس وهدول اقوى المرشحين وكل احترام لدكتور سلام فياض وزير

سلام يا سلام

كل الاحترام لشخص مابتهمه المصاري والمظاهر سلام فياض كان في البنك الدولي مسئول يعني افضل من 100 كرسي للسلطه هد بدو يشتغل ع تتطوير البلد او مصلحه المواطن اولا اواخير ويقف الي ماصين مصاري الشعب المغلوب ع امره وشكرا

انت الفائز الاول خلاص انت الرئيس محل عباس

شكرا كل الشكر لدكتور سلام فياض هدا الرجل الحقيقي بعد الرئيس محمود عباس
دوم فجرا لهذا
الشعب العطيم بحبك وبحب الرئيس ابو مازن

كبير يا ابوخالد ..... كل الشعب خلفك ...... الله يطول عمرك ويحماك حتى تبني هالبلد