قضية بنات الليل والمنتخب المصري

بيت لحم - معا - لا زالت قضية خسارة المنتخب المصري امام المنتخب الامريكي بنتيجة ثقيلة تلقي بظلالها على العديد من التصريحات من قبل عشاق المنتخب المصري ولعل هذه القضية وصلت الى حد اتهام افراد المنخب المصري الى انهم قضوا سهرة حمراء مع بنات الليل بعد الفوز المصري على ايطاليا وهذا ما نفاه العديد من افراد البعثة المصرية في جوهانسبورغ ووصلت القضية الى رفع دعوى على صحيفتين من جنوب افريقيا روجتا الخبر كما ان بعض افراد المنتخب المصري وتحديدا اللاعب الخلوق محمد ابو تريكة هدد بالاعتزال اثر هذه الشائعات ولم تقتصر الحملة على وسائل الاعلام في جنوب افريقيا بل وصل الامر الى اتهام الإعلامى الكبير عمرو اديب عن تفاصيل وصفتها بعض وسائل الاعلام المصرية بالمخزية فى فضيحة بنات الليل ولاعبى المنتخب الوطنى لكرة القدم ، فقالت بعض الوسائل "فقد قام بعضهم باصطياد فتيات ليل من جنوب افريقيا وظهرن على شاشة كاميرات المراقبة الخاصة بالفندق ولم يسلم لاعب واحد من الاتهام ، لأن الفتيات كما اظهرت الكاميرات دخلت اغلب الغرف..."

وقد كتب الكاتب شوقي عبد الخالق قائلا
***شهدت حلقة برنامج القاهرة اليوم الليلة فضائح من نوع جديد ، انتهت بمشاجرة وتبادل شتائم بين عمرو اديب ولاعبى المنتخب وبأن اغلق حسن شحاتة الخط فى وجه عمرو اديب بعد ان شتمه ودافع عن لاعبيه !!
قال عمرو اديب :
لعيبة غير منضبطين ، جابوا 5 فتيات ليل بعد الفوز على ايطاليا وبعد كده ادعوا ان اتسرق منهم 2400 دولار ، ومتحدث فى محطة البوليس فى جنوب افريقيا
اكد ان لديه دليل ان لعيبة المنتخب المصرى كانوا بصحبة عدد من فتيات الليل !!!...وقال : احضروهم من شارع اكسفورد بجنوب افريقيا والبنات دول هم اللى قشطوهم وبعد ذلك اشاروا باصابعهم الملوثة للعاملين بالفندق فقد تخيلوا ان العاملين فى الفندق ما داموا سود فهم حرامية !!

لولا الحضرى !ّ!

اكمل عمرو : سمير زاهر قال ان الامن فى جنوب افريقيا بيدعوا هذه الافتراءات للبعد عن اى اتهامات ممكن يوجهها لهم الاتحاد الدولى ..
لكن لما شفنا المباراة ياولاد ..
واللعيبة مش قادرة تحرك رجليها والعيال شكلها مجهد ، المبارة دى احنا ماعملناش فيها اى حاجة وربنا تدخل لصالحنا ولولا الحضرى لكانت الفضيحة اكبر
انت كنت بتلعب مع ناس طوال وكل كورك عالية زى مايكون محدش فاهم حاجة !!
ليه التشكيل الغريب ده وليه محمد فتحى مش فى مكانه وليه حمص مانزلش وليه بيقرفونا ؟!!
لما نتكلم يقول لك ده المنتخب الوطنى وماينفعش تتكلم عليه كده !!! نسوان ايه وقرف ايه ؟!! وفين فريق الساجدين ؟؟!!
فريق امريكا ده عيال صغيرة عمرهم قد ايه فى الكورة علشان يعملوا فيكم كده !!؟!!

الفريق بيلعب وهو نجس !!

اضاف عمرو بصرحة وجرأة يحسد عليها : الفريق كان بيلعب وهو نجس النهارده !! امريكا كانت احسن مننا فريق محترم مش بينزل يدور على نسوان فى الشارع ..!!
نعمل لكم ايه تانى ؟!!لازم يتحاسب المسئول وحد زى سمير زاهر واتحاد الكورة لازم يقول بجد اسماء اللعيبة اللى خدت ستات فى الغرف !!صحف العالم بتتكلم عن الفضايح بتاعتكم ومحدش فيكم لعب بينالتى واحد ....فكرتونا بمباراة تونس وفضائح تونس !!!
نفس حادثة الستات برضه وانتهت باربعة واحد ..!!

انتوا فريق مش محترم !!

انت فريق مجهد ولياقتك البدنية تعبانة والجزائر برقبتكم ، وانتوا مش احسن لعيبة فى افريقيا ولا كاس القارات انتوا مش لعيبة مركزة وانتوا فريق مش محترم !!
عايز حد يفسر لنا احنا ليه بنعمل فى نفسنا كده ؟!!مشكلتنا هى الحفاظ على المستوى وده مش عندنا ...
لما صحيفتين ينشروا الفضائح دى وبوليس جنوب افريقيا يؤكدها يبقى لازم يكون فيه تحقيق ومش بابالغ لو قلت تحقيق جنائى دى لعيبة رايحة تلعب باسم مصر !!
وبعدين زبالة الستات فى جنوب افريقيا وناس عندها ايدز ومرض ...فكر فى نفسك وفى ربنا ,...فيه حد نجس فى المباراة !!
هم معترفين ان فيه غرف لاعبين اتسرقوا ..ليه ماقالوش اسماءهم ؟!!اعتقد لو عرفنا الاسماء هتشوفوا لعيبة مش بتشكوا فيها وحسن شحاتة ليس مسئولاً وحده ، ورئيس جهاز الرياضة لازم يكون مسئول ..
تخيل لما يكون معاك وزير وتنزل تجيب" حتة "من لوبى الفندق ؟!!!!
ده انت فايز والبلد كلها شايلاك على اكتافها تقوم انت تشيل الستات دول على كتفك...!!

عزاء هانى شاكر !!
اتصل الفنان الكبير هانى شاكر بالبرنامج مقدماً خالص العزاء فى مصر وفى الاخلاق !!وقال : باعزيكم فى المنتخب وفى الاخلاق والقيم والمبادئ ودى ناس مش عارفة قيمة المكانة اللى هى فيها وخاطب عمرو قائلاً : ياريت لو تعرف تقول الاسماء قول ؟!
رد همرو : انا هابعت اجيب صورة من المحضر من جننوب افريقيا ..
اضاف عمرو : صحيفة قالت ان فتيات الليل علموا اللاعبين ازاى يسجلوا !! ولما خسروا جايين يقولوا ده ماحصلش !! ليه الدناوى دى ؟ ليه القرف ؟ ليه القذارة ؟. ولما ربنا يكرمك المفروض تصلى وتقول يارب ...!!
هنبعت لسفارة جنوب افريقيا ناخد المحضر ونقول كل التفاصيل !!

وشهد البرنامج وصلة شتائم من نوع جديد وجهها لاعبى المنتخب الوطنى ومدربهم الكابتن حسن شحاتة الى عمرو اديب بعد ان كشف تفاصيل فضيحة بنات الليل بعد الهزيمة ..
بدأ محمد زيدان بقوله : انتوا كده بتخلونا نحبط ، وانا اول مرة اسمع الكلام ده منك ..انا ماشفتش اللى اتكتب فى الجرايد ، والكلام ده غير صحيح وحادث السرقة يعد فضيحة لجنوب افريقيا وهم لازم يدافعوا لأننا عاملين محضر فيهم ، احنا رجعنا من مباراة ايطايا لقينا فلوسنا اتسرقت واحنا ماشيين متأخر من الفندق بسبب المحضر
اضاف زيدان : انا مصدوم من اللى باسمعه منك ، وده بمناسبة ايه ؟
رد عمرو : انت مش هتعلمنى واجبى وروحوا ردوا على اتنشر وانا واجبى اقول للناس اللى حصل ..

أكمل احمد حسن وقال : معظم الجهاز الفنى فى دور واحد واحنا ماعندناش ستات طلعت الفندق ..
رد عمرو : انا مش جايب الكلام ده من عندى واقرا الصحف فى كل العالم بتقول ايه ، ده تقرير شرطة جنوب افريقيا ، روح كلمهم وخليهم هم يقدمولك اعتذار ، مصر كلها مقلوبة بسبب اللى حصل فى المباراة ..
رد احمد حسن : ماتلعبش على مشاعر الناس ياعمرو ، ولعيبة مصر دى هى اللى بتفرح مصر ..
قال عمرو : يوم الجزاير فرحتوا مصر ؟ !!
رد حسن : كل اللعيبة محترمة واحنا اللى مارضيناش نتكلم فى المؤتمر الصحفى علشان مانجرحش فى جنوب افريقيا !!
قال عمرو : هم اللى جرحوا فيكم ومادافعتوش ليه عن نفسكم فى المؤتمر ؟!!

أما محمد ابوتريكة فقال لعمرو : انت بتتكلم عن ناس متجوزة وده شرف ناس وشرف لعيبة ، علشان مباراة كل ده يحصل ؟!!
قال عمرو : انا مش هنطق خالص معاك

دخل حسن شحاتة على الخط مهاجماً ايضاً وقال : هو ده كلام يتقال على لعيبة مصر ؟ انت كمان دخلت فى الموجه ياعمرو ؟ احنا لعيبة محترمة اكتر من اى حد فيكم !!شرفنا محدش يقدر يمسه
اضاف شحاتة غاضباً : لا عايزين نلعب كورة ولا عايزين نشوفكم ، قرفتونا الله يخرب بيوتكم ...!!
واغلق الخط فى وجه عمرو أديب الذى علق قائلاً : انا ماجبتش حاجة من عندى ومواقع النت مليانة بالكلام ده وصحف كتيرة والبى بى سي بتقول :لا خلع او اقتحام لغرف اللعيبة ، والكاميرات الخاصة بالفندق صورت عدد من بنات الهوى يتجولن بين غرف اللاعبين بحرية وكأنها حفلة
اضاف عمرو: جنوب افريقيا بتشجعنا من اول المباريات ولايوجد بيننا وبينهم منافسة علشان يتبلوا علينا وعرفنا ان اللعيبة ماكانتش هتبلغ عن السرقة لولا ان فيه واحد راح بلغ !! ليه ناس تتسرق وماتبلغش ؟!!
رئيس البوليس الوطنى لجنوب افريقيا قال انهم فور تلقيهم بلاغ سرقة 5 لاعبين مصريين قمنا بتفتيش كافة الموظفين بالفندق ولم نجد معهم شيئاً


الجهاز الفنى للمنتخب يتقدم ببلاغ للنائب العام ضد عمرو أديب .. واللاعبون يشترطون اعتذاره لهم وإلا الاعتزال


أكدت مصادر داخل بعثة منتخبنا الوطنى لكرة القدم بجنوب افريقيا أن الجهاز الفنى سيتقدم ببلاغ للنائب العام المستشار عبد المجيد محمود ضد الإعلامى عمرو أديب مقدم برنامج القاهرة اليوم، لما بدر منه فى حلقة برنامجة عقب انتهاء مباراة مصر و امريكا فى كأس القارات , و اتهم خلالها خمسة من لاعبى المنتخب باصطحاب 5 من بنات الليل إلى غرف إقامتهم بالفندق.

وأكد حمادة صدقى مدرب المنتخب أن الجهاز الفنى سيتقدم بالبلاغ عقب عودتهم إلى مصر مباشرة للتحقيق فى واقعة التشهير باللاعبين والإساءة لسمعتهم والتدليل بها على هزيمتهم من أمريكا بعد عروض مشرفة أمام إيطاليا والبرازيل.