الشَّعب المنحوس

شعر: معاذ أحمد العالم

منحوس هالشّعب منحوس

دايما طفران وموكوس

لا في شاي، ولا في سكر

لا في لحمة، لا في فلوس

وصرنا نمشي بالسيارة

بقارورة بنزين يا خسارة

ويمكن بكرة بالقطارة

ومين بيعلم شو بعدين؟

راح نعيش العمر بالدِّين

ونركض ورا رغيف العيش

وما نسأل بيش وبقديش

وهو بيتدلع وبتغاوى

ونحنا من الجوع بنتهاوى

مثل أوراق الخريف

اللي كواها حر الصّيف

والمسؤول نايم مفطوس

فاكر شعبه قطيع تيوس

نجري يمين، ونجري شمال

ونتنقل من حال لحال

نفتش عن لقمة عيشتنا

وكلاب الشيخ بتلاحقنا

تايحرمونا من فرصتنا

وإن مرة معاهم عْلِقت

وطوّلت لسانك عالنت

راح توكل بدل، وتبوس

صرماية أبو دبوس

وما تلاقي حدا يفزع لك

لو عفريت مرة اطلع لك

والناس عليك تدوس

مثل الصرصور المهروس

لو تدروا أصل السبب

أنا بخبركم، وبصراحة

وبكلجرأة، ووقاحة

اللي بيديروا البلد تيوس

وما بيسووا بكسة فقّوس