حلم وطن

حلم وطن
حلم شهيد
حلم طفل سوري تايه بشوارع اسطنبول
حلم طفل بالمنفى البعيد
حلمه يمسك فيولين
ويعزف وطن
ويعزف ياسمين الشام ع الوتر
وينك يا شام
ليه هالقد صرت بعيد عنك
واليوم طلعتيني من قلبك
إنتي رح تبقي بقلبي مهما جار الزمان ودار
رح احفر اسمك عالجامع الأزرق
وبتقسيم
ورح خلي الكل يعزف لحنك لسنين
انتي الشهد وانتي لحني الحزين
رح ناديك بأعلى صوت
رح انسى عطشي وجوعي
رح انسى وجعي وجروحي
رح بستنى ع الرصيف
لحتى حصل كم ليرة تركية
ويخلوني انسى الهوية
لا ا ا ما رح انسى الهوية
رح برجع عالجولان والجليل
وبكتب اسم سوريا وفلسطين
رح برجعلي اسمي
ورح يرجعلي حلمي
رح برجعلك يا وطني
رح اشرب من ميتك وشم عطرك
ورح ارجع اكتب اسمك
ع سهلك و جبلك
رح نرجع يا سوريا
ما رح قلك الوداع بس رح قلك
هﻷ صار وقت اللقاء
رح احضنك وضمك
وامشي بدربك
وخلي قلبي يعانق قلبك

رح نلتقي يا سوريا